SMM nədir? (Social Media Marketing)

Məqsəd təyin etmək – Atacağınız ilk addım smm, yəni sosial media marketing məqsədlərini təyin etməkdir. Məqsədlərə, potansiyal müştəriləri artırmaq, satışları artırmaq, brendin tanıtımlığını artırmaq və s, aiddir. Məqsədlərinizi təyin edərək strategiyanızı daha da gücləndirə bilərsiniz.

Hədəf kütləni tanımaq – Hədəf kütlənizi tanımaq önəmlidir. Onlar kimlərdir, maraq dairələri nədir, harada yaşayırlar, yaşı nəqədərdir və s. Hədəf kütləni yaxından tanımaq sizin işlərinizi bir qədər asanlaşdırar, rəqiblərinizdən üstün ola bilərsiniz və s.

Platforma seçimi – Hədəf kütlənizi doğru tanıdıqdan sonra onların qarşısına doğru platformada çıxmaq lazımdır. Məsələn indiki günümüzdə 18-25 yaşlı hədəf kütləsi daha çox tik-tokdan istifadə edir. İş adamları üçün Linkedİn platformasını seçə bilərsiniz və s.

Kontentlərin təyin edilməsi – Hədəf kütlənizi tanıdınız, platformanı təyin etdiniz indi növbə doğru və keyfiyyətli kontent yaratmaqdadır. Siz hədəf kütlənizin ehtiyaclarına uyğun, həmçinin aktiv olduğunuz platformaya uyğun kontentlər hazırlamalısınız. Kontent digital marketingin gözüdür. Kontent haqqında ətraflı məlumat öyrənmək üçün Kontent Nədir adlı bloquma keçid edə bilərsiniz.

Aktivliyi artırmaq – Siz istifadə etdiyiniz platformalarda aktivlik göstərməlisiniz. Müştərilərin rəylərini bəyənə bilərsiniz, onlarla əlaqə qura bilərsiniz, izləyiciləri və davranışları izləyə bilərsiniz və s. İnsanlar aktivlik göstərən brendlərə daha çox maraq göstərirlər.

İnfluserlərlə iş – Ölkəmizdə influser reklamlarına böyük maraq vardır. İnfluserlər reklamları ilə hədəf kütlənizin diqqətini çəkə bilərsiniz. Lakin, influser seçən zaman hədəf kütlənizə uyğun seçmənizə diqqət etməlisiniz.

Reklam kampaniyaları – Sosial media reklamları ən populyar reklamlardır. Siz aktiv olduğunuz platformalarda reklam verərək daha geniş hədəf kütləsinə çıxa bilərsiniz. Ölkəmizdə ən çox meta reklamları istifadə olunur. Meta reklamlarını vermək üçün Ads Manager alətindən istifadə edə bilərsiniz.

Analizlər – Həyata keçirdiyiniz sosial media strategiyasını analiz etməlisiniz. Statistikalara baxmalısınız, hansı kontent daha çox aktivlik göstərib, nə qədər izlənmə gəlib bu datalara nəzərə alıb növbəti addımlarda istifadə etməlisiniz.

Müştəri məmnuniyyəti – Sosial mediada sizə yazan müştərilərə vaxtında cavab vermək, gələn rəylərə geri dönüş etmək, müştərilərin ehtiyaclarını qarşılamaq müştəri məmnuniyyətini artırır. 

Trendlər – Trendləri davamlı olaraq izləmək sizi önə atar. Trendləri izləyərək onları öz brendinizə uyğunlaşdırıb kontentlər yarada bilərsiniz və bununla daha çox diqqət çəkə, yeni müştərilər cəlb edə bilərsiniz.

Davamlı Kontent – Fəaliyyət göstərdiyiniz sosial media kanalında davamlı olaraq kontentlər paylaşın. Hazırladığınız kontentləri planlaya da bilərsiniz. Davamlı kontent paylaşımı sizə hədəf kütlənizin sizinlə daha çox maraqlanmağını verər.