BloqlarSEO

Technical SEO nədir və necə istifadə olunur?

Nesiboff
16 May 2023

Technical Seo nədir və necə istifadə olunur?

SEO nədir? – Seo (axtarış motoru) veb saytınızın daha çox görünməsini və ön sıralarda yer alması üçün görülən strategiyadır

Table Of Content

Texniki SEO – Axtarış motorları alqoritmlərinin kriteriyalarını qarşılamaq üçün vebsaytın texniki tərəfində işlərin aparılmasıdır. 

Başqa cür desək google botlarının saytınızı heç bir problem olmadan crawl etməsidir. Əgər google botları sizin saytınızı problemsiz crawl edirsə artıq siz “SEO”a uyğun vebsayta sahibsiniz.

Bəs Texniki SEO nümunələri hansılardır?

technical seo
  • Vebsaytın sürəti
  • Vebsaytınızın mobilə uyğun olması
  • HTML seo işləri
  • URL strukturu
  • SSL sertifikatı
  • Robots.txt optimizasiya etmək
  • 404 səhifələrinin optimizasiyası
  • Site-map xəritəni optimizasiya etmək
  • Breadcrumb istifadə etmək
  • Bounce rate %-nin aşağı salınması
  • Canonical etiketlərindən istifadə etmək 

Vebsayt sürəti

Vebsayt sürət həm istifadəçilər həm də google botları üçün əsas məqamdır. Deyə bilərik ki, trafik sayının çox olması həm də vebsaytın sürətindən asılıdır. Əgər vebsaytınız sürətli olmazsa o zaman, istifadəçilər sizin saytdan qaçacaq və buda google tərəfdən aşağı sıralarda yer almanıza səbəb olacaq.

Bəs vebsaytın sürətini necə artıra bilərik? 

  • Saytda olan şəkillərin həcmini azalda bilərsiniz
  • CSS faylını optimizasiya edə bilərsiniz
  • Javaskripti optimizasiya edə bilərsiniz və s.

Vebsaytınızın sürətli olması həm də bounce rate %-ni aşağı salacaqdır.

Vebsaytınızın mobilə uyğun olması

Ümumiyyətlə bütün vebsaytlar mobilə uyğun olmalıdır. Bir neçə səbəbi var ki, istifadəçilərin çoxu vebsaytlara mobildən daxil olmaları, vebsaytınızın mobil üçün ekran ölçülərinə sahib olması və s. Əgər vebsayt mobilə uyğun deyilsə o zaman mobil ekran ölçülərinə görə vebsaytınız istədiyiniz kimi görsənməyəcək. Buna görə də vebsaytlar responsiv olmalıdır. İstifadəçilərin çoxu vebsayta mobildən daxil olduqlarını bildiyimizə görə vebsaytı mobilə uyğun eləmək vacib məqamdır.

HTML Seo işləri

meta html
  • Title – Səhifənizin başlığını qeyd edirsiniz. Hansı ki, SERP hissədə görünəcək
  • Meta Description – Vebsaytınız haqqında və ya məhsullarınız onların üstünlükləri haqqında məlumat qeyd edirsiniz. 
  • İmg – Şəkillərin ölçülərini təyin edirsiniz və şəkillərə altteqlər əlavə edirsiniz (açar sözlərinizi)
  • H1 – Səhifənizdə ən lazımlı olan açar sözünüzü H1 olaraq qeyd edə bilərsiniz
  • a href – Link verən zaman keçid etmək üçün yazılan sözü təyin edirsiniz

Bu kimi SEO işlərinin görülməsi vacibdir.

URL strukturu

Vebsaytlarda olan hər səhifənin özünün URL-i vardır. Əsas məsələlərdən biri odur ki, səhifələrin URL-i “SEO”a uyğun olmasıdır. 

  • URL kiçik hərflərlə yazılmalıdır
  • URL-də boşluq olmamalıdır. Yaxşı olar ki, sözlərin arasında “-” işarəsini qoyasınız (reqemsal-marketinq-nedir)
  • URL ingilis hərfləri ilə olmalıdır
  • URL uzun olmamalıdır. Bacardığınız qədər URL-i qısa edin.

URL strukturu SEO üçün vacib məqamlardan biridir.

SSL sertifikatı

SSL sertifikatı nədir? Heç görmüsünüz vebsayta daxil olarkən, “güvenli değil” və ya “güvenli” yazılır. SSL sertifikatı almaq vebsaytınızı güvənli edəcək. Ümumiyyətlə SSL sertifikatı istifadəçi və google üçün vacibdir. Əgər vebsaytınızda “güvenli değil” yazılırsa o zaman istifadəçilər vebsaytınızı tez tərk edəcək və google sizin vebsaytınızın güvənli olmadığını görüb, vebsaytınızı aşağı sıralara atacaq. Buna görə də vebsaytlarda SSL sertifikatı olması vacibdir.

Robots.txt optimizasiyası

Robots.txt nədir? – Belə desək, google botlarının sizin vebsaytınızı necə crawl eləməsini siz qərar verirsiniz. Siz robots.txt faylına google botlarının hansı səhifələrini crawl etməsini və hansı səhifələri crawl etməməsini siz təyin edirsiniz.

404 səhifələrinin optimizasiyası

404 səhifələri google tərəfindən indekslənməyən səhifələrdir. Bu səhifələri 301 səhifələrinə yönəltmək daha məqsədəuyğundur. 301 səhifələri google botlarına bu səhifənin daşındığını və birdaha istifadə olunmayacağını bildirir. 301 səhifəyə yönləndirmə zamanı SEO üçün bəzi məqamları nəzərə almalıyıq.

  • HTTP səhifələr HTTPS-ə yönləndirilməli
  • 301 ilə yönləndirilən səhifələr site-map faylından silinməlidir.
  • Yönləndirmə düzgün mərhələdə olmalıdır. Düzgün mərhələdə olmasa google botları səhifənizi tapmaqda çətinlik çəkər. (səhifə 1 – səhifə 2 – səhifə 3) və s

301 səhifəsinə yönəltmək seo üçün vacib məqamlardan biridir.

Site-map faylının optimizasiyası

site-map nədir? Google botlarının saytınızı crawl etməsi üçün bir xəritədir. Vebsaytda site-map faylı varsa google botları vebsaytı asanlıqla crawl edər. Crawl etdikdən sonra səhifələrinizi indeksləyər və səhifələriniz sürətli şəkildə axtarış nəticələrində görsənər.

Breadcrumb istifadə etmək

Breadcrumb – Səhifələrə keçid üçün bir yoldur. Breadcrumb vasitəsilə istifadəçilər hansı səhifədə qaldıqlarını görə bilərlər. Eyni zamanda google botları saytınızı haradan crawl etməsini asanlıqla təyin edər. “SEO” işlərində uğurlu olmaq üçün google botlarını yaxşı başa düşməlisiniz və google botlarının rahatlığı üçün addımlar atmalısınız. Bredcrumb bu addımlardan biridir.

Bounce Rate %-i aşağı salınması

Bounce rate nədir? İstifadəçinin vebsayta daxil olub və tez bir şəkildə vebsaytı tərk etməsinə deyilir. Bounce rate %- çox olarsa deməli istifadəçilər vebsaytı tez bir şəkildə tərk edirlər. Bunun qarşısını almaq üçün On-page seo və Off-page seodan istifadə etmək lazımdır. Vebsaytınızın içində olan kontentləri dəyişmək, daxildə keçid üçün linklər vermək lazımdır. Vebsayt kontent necə olmalıdır? adlı bloqumda ətraflı şəkildə kontent izahı verilmişdir. Eyni zamanda vebsaytınızın sürəti də bounce rate-ə təsir edir. Vebsayt sürəti zəif olarsa Bounce Rate %-i çox olacaqdır.

Canonical etiketlərindən istifadə etmək

Canonical etiketi nədir? Bir növ google botlarına vebsaytda eyni (duplicate) kontentin olmamasını deyirsiniz. Canonical etiketi vebsaytda olan oxşar kontentlərin google botları tərəfindən kopya olmadığını göstərmək üçün istifadə olunur. Siz burada ana kontentə sahib olan vebsaytın səhyifəsini canonical etiketdə istifadə edirsiniz. 

3 Comments

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Yeni Bloqlar